Bugun, 26 avgust kuni Osaka shahrida (Yaponiya) O‘zbekiston Respublikasi Madaniyat vazirligi huzuridagi Madaniyat va san'atni rivojlantirish jamg‘armasi tomonidan O‘zbekiston davlat san'at muzeyini rekonstruksiya qilish uchun dizayn konsepsiyasini yaratish bo‘yicha kelishuv imzolandi, uning me'mori dunyoga mashhur yapon arxitektori (me'mori) Tadao Ando bo‘ladi.
Tez orada O‘zbekiston davlat san'at muzeyini rekonstruksiya qilish loyihasi amalga oshiriladi. Rekonstruksiya dizayni g‘oyasi bilan dunyoga mashhur yapon me'mori va Pritsker mukofoti laureati Tadao Ando shug‘ullanadi. Uning me'moriy uslubini “tanqidiy regionalizm” deb ta'riflash mumkin. Tadao Ando loyihalari tabiiy yorug‘likdan foydalanishning noyobligi, shuningdek me'morchilikda landshaftning tabiiy shakllari bilan mashhur. Uning tuzilmalari ko‘pincha tashqi va ichki makon bilan o‘zaro bog‘lanib, katta shakllarni hosil qiladi. Tadao Ando milliy estetik qadriyatlarni zamonaviy binolar me'morchiligida qo‘llaydi.
Yaponiya me'morchiligining eng ko‘zga ko‘ringan loyihalari orasida Milandagi Teatro Armani (2001), Texasdagi Fort Worth zamonaviy san'at muzeyi (2002), Naosimadagi Chichu san'at muzeyi (2004), taniqli yaponiyalik dizayner Issei Miyake (2007) bilan yaratilgan Tokiodagi 21_21 Design Sight muzeyi, Venesiyadagi Punta della Dogan zamonaviy San'at markazini (2009) ta'kidlash mumkin. Tadao Andoning so‘nggi loyihalaridan biri Parij shahridagi Birjani rekonstruksiya qilish bo‘ldi, 2020 yil boshida u yerda fransuz kolleksioneri va mesenati Fransua Pinaning Zamonaviy san'at jamg‘armasi ochiladi.
Bugun Osakada imzolangan shartnoma shartlariga ko‘ra, Tadao Ando kompaniyasi O‘zbekiston Davlat san'at muzeyida konseptual va eskizli dizaynni va muzeyning dizayn konsepsiyasi tasdiqlagandan so‘ng binoning to‘liq arxitektura rekonstruksiyasini amalga oshiradi.
O‘zbekiston Davlat san'at muzeyining hozirgi binosi 1974 yilda uchta sovet me'morlari: I. Abdulov, A. K. Nikiforov va S. A. Rozen-Blyum tomonidan ishlab chiqilgan. Ushbu loyihaning yaratilishida ularni fransuz me'mori, me'moriy modernizm, funksionalizm va kubizm qonunchisi Le Korbyuz'e, shuningdek nemis modernist me'mori Lyudvig Mis van der Roening ishlari ilhomlantirgan.
Tadao Ando, me'mor (Yaponiya):
- O‘zbekiston Davlat san'at muzeyi binosining o‘ziga xosligi nafaqat uning o‘lchami va shaklining murakkabligida, balki ilhom manbai bo‘lgan kelib chiqishi bilan ham namoyon bo‘ladi. Menimcha, O‘zbekiston Davlat san'at muzeyi uyg‘onish va umid ramzi bo‘lishi kerak. Men uni vaqt dengizida suzib yurgan kema kabi ko‘rmoqdaman. Mening arxitekturam odamlarni o‘z manbalaridan foydalanishga va kelajakka tomon harakat qilishga ilhomlantirishini juda xohlayman.
